EAST
Brooklyn ëndrra e keqe e Miamit
9 April, 2014 @11:41
Në këtë stinor, kampioni aktual Miami Heat, nuk arriti ta mposht Brooklyn Netsin asnjëherë.
Dje në ndeshjen e zhvilluar në American Airlines Arena, sasia e dëshirës për fitore, ishte shumë e madhe te të dyja skuadrat derisa heroi i ndeshjes ishte rookie i Brooklynit, Mason Plumlee, i cili e bllokoi LeBron Jamesin në sekondat e fundit, për t’ia sjell fitoren skuadrës me rezultat të ngusht 88-87.
Joe Johnson ishte koshashënuesi më i mirë tek Netsat me 19 sosh, ndërsa në anën tjetër, mundi i King Jamesit nuk mjaftoi për fitore, i cili luajti me 29 pikë, 10 kërcime e 6 asistime.
Miami Heat, ende është në krye të Konferencës Lindore me 53 fitore e 24 humbje, ndërsa skuadra e Jason Kiddit me 43 fitore e 34 humbje gjendet në pozitën e pestë po në të njejtën Konferencë.
Video
Bllokada e Mason Plumlee ndaj Jamesit
