BURKINA FASO
Burkina Faso publikon ftesat për ndeshje ndaj Kosovës
17 March, 2022 @15:10
Kundërshtari i parë i Kosovës për miqësoret e marsit, Burkina Faso, ka publikuar sot ftesat e trajnerit të ekipit gjysmëfinalist të Kupës së Kombeve afrikane, Oscar Barro.
Burkina Faso luan me Kosovën miqësore më 24 mars në Fadil Vokrri të Prishtinës, ndërsa pas kësaj ndeshjeje do të ketë edhe një miqësore me Belgjikën.
Barro kryesisht ka ftuar lojtarët që bartin barrën kryesore në ekip, ndërsa lista prej 29 lojtarëve numëron edhe disa të rinj, që mund të regjistrojnë ndeshjet e radhës si përvojë në kombëtaren e tyre. 
Kujtojmë, Burkina Faso përfundoi në katërshen më të mirë të Afrikës të zhvilluar në shkurt të këtij viti, ku kampion për herë të parë u bë Senegali. Ndërsa, përzgjedhësi Kamou Malo u largua pas AFCON 2022, për tu zëvendësuar nga Oscar Barro.
BURKINA FASO, ftesat për ndeshje ndaj Kosovës:
| Portierë: | Koffi, Farid Ouedraogo; Balora; | ||
| Mbrojtës: | Edmond Tapsoba, Dayo, Yago, Kabore, Djiga, Oula Traore, Soumaila Outtara, Guiebre; | ||
| Mesfushorë: | Guira, Ibrahim Toure, Sangare, Ismahila Ouedraogo, Dabo, Badolo, Boni, Steph Ki; | ||
| Sulmues: | Bertrand Traore, Dango Outtara, Bande, Bayala, Bangre, Cheick Ouattara, Fessal Tapsoba, Bazie, Zagre, Abou Outtara. |
