CELTICS vs. KNICKS
Celtics gjejnë fitoren
12 November, 2016 @11:15
Pas 3 humbjeve radhazi, Celtics i është rikthyer fitoreve në takimin e luajtur në ‘TD Garden’ ndaj skuadrës së New York Knicks, me takimin që u mbyll me shifrat 115-87.
17 herë kampioni i NBA-së e dominoi komplet takimin, duke mos lejuar asnjëherë skuadrën mysafire ta rrezikojë fitoren e katërt të vendasve këtë sezon.
TABELAT E KONFERENCAVE
Më i dalluari tek Celtics ishte Isaiah Thomas me 29 pikë, 3 kërcime e 4 asistime, i ndihmuar edhe nga i rikthyer prej lëndimit Kelly Olynyk, i cili pati 19 pikë, 7 kërcime e 3 asistime. Vlen të theksohet që Bostoni në këtë takim ishte në mungesë të dyshes startuese Jae Crowder dhe Al Horford.
Për mysafirët pikët dyshifrore të yjeve Porzingis, Anthony e Rose nuk mjaftuan për fitore në ‘TD Garden’. Porzingis takimin e mbylli me 14 pikë, Melo Anthony me 12, ndërsa D-Rose me 11 sosh.
Pas 8 ndeshjeve, Bostoni ka bilanc 4-4, kurse Knicks kanë bilanc 3-5.
