FITORJA NR. 8
Clippers godet edhe rrufenë
12 November, 2016 @9:29
Los Angeles Clippers nuk është ndalur as kundër Oklahoma City Thunder.
Forma e mirë e skuadrës së trajnerit Doc Rivers vazhdoi edhe në ndeshjen e fundit, duke e mposhtur Oklahomën me rezultat 110-108.
Në skenë ishte Blake Griffin me 25 pikë të shënuara, por shkëlqeu edhe Chris Paul, i cili luajti me 17 pikë, 10 asistime e 6 kërcime.
Russell Westbrook, ishte më i miri si zakonisht për Oklahomën, derisa për një asistim nuk arriti shifrat magjike triple-double (29 pikë, 14 kërcime e 9 asistime).
Clippers e regjistroi fitoren e tetë pas nëntë ndeshjeve, derisa Thunder ka bilanc prej 6 fitoreve e 3 humbjeve.
