VIDEO
Chris Lutete, përforcimi i ri i Bashkimit
23 February, 2021 @20:59
Pas transferimit të qendrës Obinna Oleka tri ditë më parë, skuadra e Bashkimit ka zyrtarizuar edhe një përforcim të ri të huaj.
Portokallezinjtë kanë arritur marrëveshje me basketbollistin amerikan, Christian Lutete, të cilin e kanë zyrtarizuar para pak castesh.
Lojtari i ri i Bashkimit ka pasur karrierë në skuadrat nga NCAA, Radford dhe UMass Lowell, derisa së fundi ka luajtur te skuadra nga elita e Rumanisë, CSU Sibiu. Me këta të fundit, Lutete ka pasur mesatare prej 8.6 pikëve në tetë ndeshje të kampionatit rumun, ndërsa gjithashtu është paraqitur edhe në dy ndeshje të FIBA Europe Cup dhe tri ndeshje të Kupës.
Sipas njoftimit të Bashkimit, Lutete pritet të jetë i gatshëm qysh për ndeshjen e ardhshme që do të luahet këtë javë kundër rivalit lokal, Ponte Prizrenit.
