Cilët lojtarë mbushën syrin e Marmarinos?! Kush mbeti jashtë listës përfundimtare?

Selektori i ri i Kosovës, Christos Marmarinos, ka bërë përzgjedhjen e tij për listën përfundimtare të basketbollistëve të regjistruar për ndeshje ndaj Islandës.

Kosova nesër mbrëma në Pallatin e Rinisë dhe të Sporteve në Prishtinë luan ndaj Islandës në përballjen që nis në ora 19:00, në kuadër të parakualifikimeve të zonës evropiane për Botërorin 2023.

Kështu, pas listës prej 17 lojtarëve që u grumbulluan prej të hënës e u stërvitën deri sot, lista përfundimtare prej 12 lojtarëve për ndeshje ndaj Islandës dhe Luksemburgut (23 shkurt, si mysafir), Marmarinos me bashkëpunëtorët e tij ka përzgjedhur këta basketbollistë:

Dardan Berisha (Peja), Drilon Hajrizi (Peja), Edmond Azemi (Prishtina), Erjon Kastrati (Kormend), Fisnik Rugova (Prishtina), Gëzim Morina (Polzela), Leonard Mekaj (Rahoveci), Mikaile Tmusic (Prishtina), Samir Zekiqi (Ylli), Shawn Jones (Anwil), Urim Zenelaj (Prizreni) dhe Valon Bunjaku (Ylli).

Jashtë listës së Marmarinosit kanë mbetur këta basketbollistë:

Alban Veseli (Rahoveci) [i lënduar], Altin Morina (Rahoveci), Ergin Grosha (Feronikeli), Meriton Ismaili (Prishtina) dhe Ujkan Karanezi (Bashkimi).