TO THE CONFERENCE FINAL
Cleveland në finale, eliminohet Chicago
15 May, 2015 @7:51
Cleveland Cavaliers ka arritur finalen e Konferencës Lindore në NBA. Pa ndonjë performancë të shkëlqyer të LeBron Jamesit, që u ndalë në 15 pikë, por as të Kyrie Irvingut, kavalierët kanë arritur të mposhtin bindshëm Chicagon në United Center për të arritur finalen e Konferencës me 4-2 në seri.
Matthew Dellavedova shënoi 19 pikë, ndërsa Tristan Thompson regjistroi double-double prej 13 pikëve dhe 17 kërcimeve.
Kjo është finalja e parë e Konferecës për Clevelandin që nga viti 2009.
Irving u lëndua në ndeshje, pasi ndrydhi gjurin e e majtë të këmbës dhe la ndeshjen në rezultatin 35-35.
James, nuk arriti të shënojë asnjë treshe nga 4 tentimet e tij gjatë ndeshjes, por kjo nuk i pengoi ekipit të tij që të arrijë fitoren.
Chicago Bulls përfundon këtu stinorin, derisa kthimi i Pau Gasolit në parket, nuk bëri ndonjë dallim të madh. Jimmy Butler shënoi 20, Derrick Rose 14 e Gasol përfundoi ndeshjen me 8 pikë.
Cleveland në finale do të takohet me fituesin e përballjes Atlanta Hawks - Washington Wizards, ku rezultati aktual i serisë është 3-2 për Atlantan.
Video
Chicago Bulls - Cleveland Cavaliers (Ndeshja VI)
