CONSTANTINIDES - PAS NDESHJES
Antonis Constantinides, trajner i Prishitinës/ BOROZANI/ D.S.
Constantinides i lumtur me finalen
31 March, 2016 @9:13
Shefi i shtabit teknik të Sigal Prishtinës, Antonis Constantinides, është shprehur i lumtur dhe i ka uruar lojtarët për arritjen e finales së dytë me radhë të BIBL.
“Beroe ka merituar të jetë në gjysmëfinale edhe pse ndeshjet mund t’ju duken të lehta. Lehtë nuk ka qenë, por kemi luftuar shumë. Jam shumë i lumtur me performancën e lojtarëve dhe dua t’i urojë të gjithë,” ka thënë Constantinides pas ndeshjes shkruan faqja zyrtare e BIBL sot.
Sigal Prishtina ka arritur finalen e dytë me radhë të ligës ballkanike, ndërsa ekipi së fundi ka eliminuar në gjysmëfinale ekipin debutues bullgar, Beroe, duke e mposhtur në të dyja ndeshjet.
