POLIVALENTA
Foto: KB Peja/ Facebook
Craiova vallëzon karshi Pejës
17 February, 2015 @19:12
Peja ka pësuar humbjen e dytë me radhë nga Craiova. Pas disfatës në Karagaç, ekipi verdhezi dukej turist në fushë, karshi rumunëve që vallëzonin nën koshin pejan dhe që asnjëherë nuk rrezikuan ecurinë e ndeshjes gjatë gjithë 40 minutave lojë.
Craiova nga fillim i ndeshjes ishte në epërsi, derisa mbrojtja e fortë e tyre karshi asaj të padukshme të Pejës, krijoi epërsi të konsiderueshme që në fund të pjesës së parë, 52-31.
Kjo bëri që Peja të ndezet pak në fillim të çerekun e tretë të ndeshjes, mirëpo, vendasit rumun u kthyen shpejtë në lojën e tyre dhe përsëri kthyen avantazhin 20 pikësh në të mirë të tyre.
E Craiova aq lehtë poentonte në sulm, sa që epërsia e tyre arriti edhe në 27 pikë kah fundi i çerekut të tretë, që pandalshëm solli fitoren në fund.
Amerikani i vetëm te Craiova, Travis Bureau ka shkëlqyer për ekipin e tij, bashkë me serbin Djordje Micic - që kanë qenë të pakapshëm. E te Peja, u dalluan pak më shumë nga të tjerët, Janou Rubin dhe Alban Veseli.
Bureau përfundoi ndeshjen me 20 pikë e 9 kërcime, të cilit i mungoi një kërcim për të përfunduar ndeshjen me double-double. Micic futi 19 pikë në koshin pejan.
E 7 asistime dhe 20 pikë të Rubinit, shto këtu edhe 18 pikë të Veselit, kaluan në shenjë të zbutjes së epërsisë së vendasve.
Me këtë disfatë, Peja tash ka bilancin prej 3 fitoreve e 2 humbjeve në Grupin C të Balkan League, derisa Craiova ka dalë pozitive pas përballjeve me ekipin e Boris Kurtovicit dhe tashmë ka bilanc 3-2.
Statistikat ekipore
| CRAIOVA | PEJA | ||
| Çereku i parë | 23 | 13 | |
| Çereku i dytë | 29 | 18 | |
| Çereku i tretë | 23 | 19 | |
| Çereku i katërt | 22 | 25 | |
| Kërcime | 47 | 26 | |
| Asistime | 20 | 17 | |
| Bllokada | 1 | 1 | |
| Topa të vjedhur | 8 | 7 | |
| Topa të humbur | 12 | 11 | |
| Tentime për tre pikë | 8/27 | 8/25 | |
| Tentime nga loja | 35/70 | 28/64 | |
| Gjuajtje të lira | 19/26 | 11/17 |
Statistikat individuale te Craiova
| 1 | Travis Bureau | 20 pikë | 9 kërcime | 1 asistim |
| 2 | Djordje Micic | 19 pikë | 4 asistime | - |
| 3 | Marko Boltic | 15 pikë | 9 kërcime | 6 asistime |
| 4 | Radomir Marojevic | 10 pikë | 4 kërcime | 1 asistim |
| 5 | Szabolcz Santa | 9 pikë | 8 kërcime | - |
| 6 | Dragos-Mihai Andrei | 7 pikë | 1 kërcim | 2 asistime |
| 7 | Milivoje Bozovic | 6 pikë | 8 kërcime | 3 asistime |
| 8 | Ivan Bosnjak | 6 pikë | 3 kërcime | 1 asistim |
| 9 | Catalin Petrisor | 3 pikë | 2 kërcime | 2 asistime |
| 10 | Marius-Mihai Ciotlaus | 2 pikë | - | - |
Statistikat individuale te Peja
| 1 | Janou Rubin | 20 pikë | 5 kërcime | 7 asistime |
| 2 | Alban Veseli | 18 pikë | 4 kërcime | - |
| 3 | Drilon Hajrizi | 11 pikë | 4 kërcime | 2 asistime |
| 4 | Chris Smith | 11 pikë | 7 kërcime | 4 asistime |
| 5 | Mario Austin | 7 pikë | 1 kërcim | 2 asistime |
| 6 | Jozo Brkic | 6 pikë | 1 kërcim | - |
| 7 | Jaleel Nelson | 2 pikë | 1 kërcim | - |
| 8 | Luka Petkovic | 0 pikë | 1 kërcim | 2 asistime |
