Dardan Berisha rikthehet në parket, Nymburku pranë gjysmëfinales

Pasi ishte pjesë e 12-shes në dy ndeshjet e fundit por nuk luajti për asnjë minutë, rikthimi i Dardan Berishës në parket pas lëndimit ka ardhur sonte.

Kapiteni i Përfaqësueses së Kosovës sonte luajti për mbi 11 minuta në fitoren që skuadra e Nymburkut e shënoi si mysafire e Kolinit.

Në ndeshjen e tij të parë pas më tepër se një muaji, Dardan Berisha realizoi 6 pikë, 2 kërcime dhe 2 asistime, për ta ndihmuar kështu skuadrën e tij që ta fitojë takimin e tretë me radhë të serisë çerekfinale në kuadër të Play Off-it të elitës çeke të basketbollit.

Ndeshjen e radhës, ndeshje në të cilën Dardan Berisha me shumë gjasë do të ketë edhe më shumë minuta në parket, Nymburku e zhvillon nesër ndaj po të njëjtës skuadër dhe me një fitore eventuale, skuadra ku aktivizohet Dardani do ta arrinte fazën gjysmëfinale të garës në fjalë.