ITALIAN KËRKON TRAJNERIN
BOROZANI/Erdis Driza
De Biasi në listën Azzurre, vendoset për 10 ditë
10 May, 2016 @14:48
Italia brenda 10 ditëve do të mësojë trajnerin e ri të saj që do të punojë me reprezentacionin pas Kampionatit Europian Franca 2016.
Në listën e ngushtë të trajnerëve potencial është edhe emri i trajnerit aktual të Shqipërisë, Gianni De Biasi.
“Përzgjedhësi i ri i Italisë do të vendoset më 21 maj, ndërsa ai do të jetë: trajneri i Sampdorias, Vincenzo Montella, përzgjedhësi i Shqipërisë, Gianni de Biasi ose trajneri i Torinos, Giampiero Ventura,” ka bërë të ditur Foot Italia para pak çastesh.
Përzgjedhësi aktual i Italisë, Antonio Conte, me të përunduar EURO 2016 do të kalojë te Chelsea dhe vendi i lirë do të zëvendësohet nga njëri prej treshes së lartëpërmendur.
