Derbi në “Minatori”

Federata e Basketbollit të Kosovës (FBK) përmes një njoftimi ka bërë të ditur orarin e ndeshjeve të xhiros së tretë të Superligës në basketboll.

Derbi i xhiros zhvillohet në Mitrovicë, ku dy skuadrat pa humbje, Trepça (2-0) dhe Peja (2-0), do të ndeshen në palestrën “Minatori” të shtunën në ora 18e30.

TABELA AKTUALE E SUPERLIGËS

Ndeshje interesante pritet të zhvillohet edhe në “Shani Nushi” të Gjakovës (e hënë, ora 19), ku Rahoveci (2-0) do të jetë në rolin e nikoqirit përballë Yllit (0-2) të Suharekës.

Derisa Bashkimi (2-0) pret nesër (të premten) me fillim në ora 19 Vëllaznimin (0-2) në “Sezai Surroi”, Sigal Prishtina (0-2) ende nuk ka konfirmuar terminin për ndeshje ndaj Kerasanit (0-2), ku pret fitoren e parë të këtij stinori.