Dëshpëroi edhe Prishtina

Kampionja e Kosovës, Sigal Prishtina, është mposhtur thellë në Rumani sonte nga Craiova. Me këtë dy ekipet tona përfundojnë me humbje xhiron në BIBL. 

Vetëm fillimi i mirë

Prishtina vetëm çerekun e parë ia nisi mirë dhe e përfundoi me epërsi, derisa në të gjitha pjesët në vazhdim të ndeshjes ishte në disavantazh, që duke u thelluar kaloi në 19 pikë në fund. 

Dyshja serbe, Djordje Micic dhe Marko Boltic, kanë shënuar nga 19 pikë për ekipin rumun për të regjistruar fitoren e dytë për ekipin e tyre në Grupin B. 

Te bardhekaltërit, qendra boshnjake Edin Bavcic ka qenë pika më e ndritshme e skuadrës, që përfundoi ndeshjen me double-double prej 20 pikëve dhe 12 kërcimeve, derisa Dardan Berisha u ndalë në 16 pikë nga mbrojtja e Craiovas. 

Përforcimet

Nga përforcimet e fundit, Nate Bowie, për 10 minuta sa qëndroi në parket shënoi 5 pikë, derisa Nikola Vucurovic me përvojën e tij tregoi se është lojtar që i duhet ekipit, duke shënuar 12 pikë, 4 asistime dhe rrëmbyer 3 topa nën kosh. 

Me këtë, trajneri i ri i Prishtinës, Marjan Ilievski nisi me humbje aventurën e tij te ekipi kampion i Kosovës, derisa përforcimi tjetër i ekipit tonë, Julius Coles, nuk kishte të drejtë loje, pasi që iu vonua leja nga ish klubi i tij. 

Xhiroja e ardhshme edhe më e vështirë

Disfata e tretë e Prishtinës ishte e rëndë shikuar edhe nga pikët e pranuara të ekipit të Ilievskit, derisa Craiova ka fituar motiv shtesë për tu ngritur edhe më në tabelë. 

Sigal Prishtina në ndeshjen e radhës pret Kozuvin e Gjevgjelisë, në një takim të vështirë, pasi që ekipi maqedonas është i vetmi pa humbje këtë stinor në BIBL. 

Rezultatet aktuale dhe TABELA

Statistikat individuale te Craiova

Statistikat individuale te Sigal Prishtina