Nuk ndihmon as James

Pas dy javësh mungesë, Lebron James u kthye në parket. Me kthimin e tij, në ekip u kthye entuziazmi, u kthyen ngulitjet atraktive si dhe seritë e tresheve - por të gjitha këto ishin të pamjaftueshme për fitore mbrëmë. 

Cleveland Cavaliers ka regjistruar disfatën e gjashtë me radhë, derisa ekipi ka pasur bilanc prej 1 fitoreje të vetme karshi 7 humbjeve në mungesë të superyllit. 

“Besomëni, këto lëvizje nuk arrija t’i bëja dot para dy javësh. është tepër domethënëse kthimi im dhe ndjenja se po mund t’i bëj gjërat si duhet,” ka thënë James pas ndeshjes, duke shënuar rikthimin e tij në parket me 33 pikë. 

Sidoqoftë, në anën tjetër te Phoenix shkëlqente Markieff Morris, që me 35 pikë e 7 kërimce ishte koshashënuesi më i mirë i ndeshjes, ndërsa i ndihmuar edhe nga Goran Dragic me 18 pikë e 4 asistime, ata regjistruar fitoren e 23-të të skuadrës. 

Me këtë disfatë Cavsat kanë rënë në seri negative prej 19 fitoresh e 20 humbjesh, derisa Phoenix Suns vazhdon të impresionojë me 23 fitore e 18 humbje deri më tani.