‘Do të shkojmë në Pejë për fitore’

Rosen Barchovski, trajner i Rilskit, nuk dukej të jetë shumë i brengosur për humbjen e pësuar nga Peja në ndeshjen e parë gjysmëfinale të BIBL. 

Bullgari ka bërë të ditur për faqen zyrtare të ligës ballkanike, se fitues është ai që shënon fitore me më shumë pikë dallim pas dy ndeshjeve. 

“Janë dy ndeshje dhe fitues është ai që shënon më shumë pikë në fund. Nuk ka rëndësi humbja ose fitorja me një pikë dallim. Peja u përmirësua në mbrojtje gjatë kohës dhe sulmoi pikat tona të dobëta. Ndërsa, njëri ndër basktebollistët më të mirë tonë, Zarko Rakocevic, nuk ka dhënë 100%-shin pasi që ka qenë i sëmurë. Ne do të shkojmë atje për të fituar. Presioni është te ata. Kjo është vetëm pjesa e parë e lojës, tash vjen pjesa e dytë,” është cituar të ketë thënë Barchovski pas ndeshjes nga balkanleague.net. 

Rilski kishte nisur shumë mirë ndeshjen ndaj Pejës mbrëmë, duke krijuar epërsi të konsiderueshme në pjesë të parë. Mirëpo, Peja u rikthye në mënyrë fantastike për ta fituar ndeshjen në fund.