GRIZZLIES - MAVS
Doncic maestral shënon për fitore
15 April, 2021 @10:24
Dallas Mavericks e mposhti Memphis Grizzliesin në sekondat e fundit me rezultat 113-114.
Mavs e fitoi ndeshjen me performancën fenomenale të Luka Doncicit. Ylli slloven shënoi në sekondat e fundit me një gjuajtje interesante nga vija e treshit dhe ia solli fitoren skuadrës.
Doncic me 29 pikë, 9 asistime e 5 kërcime ishte më i miri te Dallasi, së bashku me Kristaps Porzingis që luajti me 21 pikë e 6 kërcime.
Te Memphis u dallua Grayson Allen me 23 pikë, por nuk mjaftoi për fitore.
Dallasi e regjistroi fitoren e 30 krahas 24 humbjeve në Konferencën Perëndimore dhe gjendet në pozitën e shtatë, kurse Memphis me 27 fitore e 26 humbje gjendet një pozitë më poshtë.
