MAVS - ROCKETS
FOTO/ nba
Doncic shkëlqen në derbin e Teksasit
9 December, 2018 @10:56
Performanca fenomenale e talentit slloven, Luka Doncic, bëri që Dallasi ta mposht Houstonin me rezultat 107-104.
Houston Rockets, ishte shumë afër ta festonte fitoren në derbin e Teksasit, por i riu Doncic shpërtheu në 2:49 minutat e fundit të ndeshjes, ku duke shënuar 11 pikë ia solli fitoren Mavericksit.
Doncic në total luajti me 21 pikë e 7 kërcime, derisa u ndihmua edhe nga Wesley Matthews me 21 pikë të tjera.
Te Houstoni më i dalluari ishte James Harden me 35 pikë e 8 asistime.
Kjo ishte fitorja e 13 e stinorit për Dallas Mavericskin dhe me 11 humbje gjenden në pozitën e tetë në Konferencën Perëndimore, derisa Houstoni me 11 fitore e 14 humbje gjenden kah fundi i tabelës.
