Donnarumma hero, Parisi eliminon Liverpoolin pas penalltive!

Kur kujtohet ndeshja e parë vetëm një javë më herët, kishte qenë Parisi dominant në shtëpi me plot raste për gol, ndërsa rezultati final ishte 0-1 për Liverpoolin!

Sonte, Parisi shënoi pas një gabimi në mbrojtje të Liverpoolit për të fituar ndeshjen 0-1 në “Anfield Road”. Të dyja palët kishin raste të mira për të shënuar dhe për të shkuar tutje - nuk arritën, as gjatë kohës së rregullt, as gjatë vazhdimeve!

E te penalltitë në skenë doli portieri i parisienëve Gigi Donnarumma që mbrojti dy goditje të vendasve, për të çuar Parisin në çerekfinale të Ligës së Kampionëve, pas një paraqitjeje qartësisht të bukur të atyre gjatë dy ndeshjeve. Sonte: Liverpool - Paris 0-1 [1-4 pen.].

Parisi në çerekfinale të Ligës së Kampionëve do të luajë me fituesin e duelit Aston Villa - Brugge, ku anglezët kanë epërsinë 3-1 nga ndeshja e parë.

Kujtojmë, Liverpool ka qenë briliant gjatë fazës grupore të Ligës së Kampionëve, duke përfunduar i pari në sistemin e ri të garës. Por, në fazën knockout, ata menjëherë u eliminuan nga parisienët që nën drejtimin e Luis Enriques ka marrë ecuri tjetër të lojës.