Mposhtet kampioni, Prishtina lidere

Çereku i parë kryesisht ishte i balancuar ku herë njëra e herë skuadra tjetër kalonin në epërsi, derisa prishtinasit në tre minutat e fundit të këtij çereku krijuan seri prej 9-2 dhe e përfunduan atë me rezultat 20-15 në të mirë të tyre.

Në çerekun e dytë epërsia e Prishtinës u deri në 16 pikë kur Dardan Berisha edhe 02:52 minuta pa përfunduar ky çerek shënoi tre pikë për rezultatin 42-26, mirëpo më pas pasoi seria 0-8 e izraelitëve të cilët shkuan në zhveshtore me disavantazh prej 8 pikëve, 42-34.

Në gjysmën e dhjetëminutëshit të tretë trajneri i Galil Gilboas,Sharon Drucker, u ndëshkua me gabim teknik, e pas reagimit edhe u përjashtua nga ndeshja duke ia dhënë rastin Dardan Berishës që të pozicionohet në vijën e gjuajtjeve të lira për të shënuar tre herë nga katër tentime rresht.

Periudha e fundit e ndeshjes ishte një dramë e vërtetë. Prishtina e cila ishte gjatë gjithë kësaj kohe në epërsi të ngushtë, arriti të mbajë ate, megjithëse edhe 20 sekonda para përfundimit të takimit ajo u ngushtua në vetëm 1 pikë, 74-73, me pikë e amerikanit Richard Jackson.

Në 20 sekondat e fundit të takimit vërtetë ishte një dramë basketbollistike në Pallatin e Rinisë, ku Galil Gilboa me anë të gabimeve taktike u mundua ta përmbys epërsinë e Prishtinës, mirëpo sidomos me saktësinë e Dardan Berishës dhe të Tay Waller në fund nga vija e gjuajtjeve të lira, Sigal Prishtina arriti të shënojë një fitore të madhe para shikuesve të cilët e mbushën përplot sallën sonte.

Për herë të parë në ekipin e Sigal Prishtinës ishin edhe dy përforcimet e reja, Josip Blajic dhe Urim Zenelaj, megjithëse ky i fundit nuk u aktivizua fare në këtë përballje.

Rezultatet dhe tabela aktuale.

Statistikat ekipore

	Sigal Prishtina	Galil Gilboa
Çereku i parë	20	15
Çereku i dytë	22	19
Çereku i tretë	14	18
Çereku i katërt	25	26
Kërcime në mbrojtje	28	27
Kërcime në sulm	20	13
Gjithsej kërcime	48	40
Asistime	16	12
Bllokada	1	-
Topa të vjedhur	6	8
Topa të humbur	11	12
Tentime për tre pikë	10/33	8/24
Tentime për dy pikë	15/35	20/46
Tentime nga gjuajtjet e lira	23/34	14/19

Statistikat individuale te Sigal Prishtina

1	Dardan Berisha	33 pikë	6 kërcime	2 asistime
2	Tay Waller	19 pikë	3 asistime	3 topa të vjedhur
3	K'Zell Wesson	10 pikë	14 kërcime
4	Aurimas Kieza	9 pikë	9 kërcime	1 asistim
5	Blerim Mazreku	6 pikë	6 kërcime
6	Alban Veseli	3 pikë	1 kërcim
7	Kendrick Jones	1 pikë	10 asistime	9 kërcime

Statistikat individuale te Galil Gilboa

1	Gerald Robinson	15 pikë	4 kërcime	3 topa të vjedhur
2	Richard Jackson	14 pikë	8 kërcime	2 topa të vjedhur
3	Boynton Keneth Franklin	14 pikë	5 jërcune	1 asistim
4	Nimrod Tishman	13 pikë	5 kërcime	4 asistime
5	Amit Simhon	11 pikë	3 kërcime	1 asistim
6	Anthony Younger	7 pikë	10 kërcime	3 asistime
7	Anton Kazarnovski	2 pikë	5 kërcime
8	De Shawn Sims	2 pikë	1 asistim