Drenasi s’kalon Istogun që mbeti me një lojtar më pak

Drenasi nuk ka arritur të regjistrojë fitore ndaj Istogut, përkundër se këta të fundit pas pjesës së parë pa gola, nga minuta e 60 e ndeshjes luajtën me një lojtar më pak në fushë.

Ndeshja përfundoi pa gola, Drenasi 0-0 Istogu.

Futbollistët e Leotrim Krasniqit assesi nuk arritën të thyejnë mbrojtjen e Troftave, ndërsa përjashtimi i portierit Enis Gegollaj, nuk i ndihmoi vendasve në lojë, përkundër se kërkuan golin.

TABELA AKTUALE

Derisa Drenasi ka regjistruar barazimin e dytë kampional sot, Istogu gjithashtu ka bilans të njëjtë dhe pikë të njëjta me ata.

Xhiron e radhës, Drenasi luan derbin lokal ndaj Feronikelit’74, ndërsa Istogu pret ekipin e ri të Ligës së Parë, Rilindja’1974.