Duelet më interesante të fundjavës

Pesë duele që pritet të jenë më interesantet e fundjavës, nga futbolli ndërkombëtar.

1. Leipzig – Monchengladbach (e shtunë, ora 6e30)

Debutimi në Ligën e Kampionëve mund të ketë ndikim në përgatitjen fizike të Leipzigut të cilët mund të paraqiten edhe pa Keitan e lënduar një javë më parë. Sidoqoftë, kurrë nuk është vonë të nisin adaptimin e Kampl dhe të mësohen pa Keitan. Forsberg nuk ka pasur një start të preferuar të sezonit, e Bruma pas ndeshjeve fillestare duket se është kthyer në bankën rezervë.

Sulmi nuk është aq produktiv me Poulsenin e Augustin që nuk kanë shënuar akoma. Megjithatë Timo Werner është në formë dhe përkundër mungesës së golave ndaj Monacos, duhet të mos ketë problem ndaj mbrojtjes së Borussias.
E mbrojtja e Borussias është e vetmja që ka shënuar gola këtë sezon për të gjelbrit. Edhe ky sezon nuk po dallon nga të tjerët me një fillim të ngathët, e mundësitë për tu ringjallur kundër Leipzigut janë jo të mëdha. Pos, nëse faktorizohet lodhja e mesjavës tek vendasit.

2. Atletico – Malaga (e shtunë, 15n9)

Diego Costa është imperativ për janar tek Atletico. Asnjë gol i shënuar nga sulmuesit klasik, e krejt çfarë ka ofruar Griezmann kur po ju nevojitet më së shumti ka qenë një karton i kuq që e ka mbajtur jashtë për dy lojë. Megjithatë mesfusha me Koken, Correan, e edhe Partey ka qenë e përkryer këtë fillim sezoni. Mbi të gjitha duhet të shihni njërën nga arenat më të bukura të ndërtuara në Evropës së fundmi, debutimin e Atleticos në Wanda Metropolitano.

Ndërkohë Malaga ende pret golin e parë nga i huazuari i Swanseas, Borja Baston. Ndoshta është koha të provojnë Rolanin e Penaradan në sulm, pasi as marokeni En-Nesyri për ata pak minuta që i janë besuar s’ka arritur të gjej portën.

3. Chelsea – Arsenal (e diel, ora 2e30)

Vitin e kaluar Marcos Alonso ka befasuar të gjithë. Ngjashëm edhe adaptimi i Moses në pozitën e krahut të Contes që ka shtyrë shumicën e Premier League të provoj 3-4-3. Pak ia kanë dal, e disa kanë dështuar si rasti i Wengerit. Këtë vit në vend të Moses të adaptuar për atë pozicion, Conte ka njërin nga më të mirët në Serie A në pozitën e mbrojtësit të djathtë për këtë formacion. Goli, qoftë edhe pahiri mund të jetë një katalizator për Zappacostan edhe krejt vijën e mbrojtjes së Chelseat. Christensen është përshtatur mirë, edhe Rudiger njashtu. Dhe mbrojtja është kryesorja për ta. E Bakayoko ka shkëlqyer herën e fundit në Premier League. Mos të flasim për Moratan i cili po e paguan çdo euro të investuar në të. Chelsea është gati pas asaj lemze ndaj Burnley.

Jam skeptik që Nacho mund të funksionoj në mbrojtje treshe. Por, me Kolasinacin dhe Bellerinin në krahë të duhur, Arsenali duket të jetë i rrezikshëm. Problemi do të jetë të mbrohen ndaj krahëve të Chelseat. Shumë rotacione në formacion nuk di se çfarë do ti bëjnë Arsenalit, por me rëndësi për ta është që Sanchez i është kthyer golave.

4. Manchester Utd – Everton (e diel, ora 5)

Manchester United di të mos jetë bindës në shumë raste, sidomos ndaj ekipeve që i konsiderojnë të dorës së dytë. Ky problem i kishte eliminuar herën e fundit nga Liga e Kampionëve. Por, për dallim nga trajneri i atëhershëm, Mourinho merr pikët në fund, sidomos kur ka një qendërsulmues të shkathët, për dallim nga sezoni i kaluar. Me Pogbën jashtë për nja gjashtë javë, Fellaini e Herrera pritet të mbulojnë mungesën e tij. Por, në fakt do të jetë Matic nga i cili do të duhej të pritej më së shumti gjatë kësaj periudhe.

Evertoni nuk është në ditët më të mira, dhe krejt këtë mund ta fajësojmë në Rooney. Anglezi nuk ka gjetur golin që nga përballja me Cityn, Ramirez po i jepen minutat, por nuk është i pjekur akoma për Premier League, ngjashëm si Calvert-Lewin. Mesfusha është defensive dhe jo e përshtatur për të shënuar gola, pos Sigurdssonit. Problemi është në golashënuesit që i mungojnë këtë sezon me largimin e Lukakus. Problemin do të mund ta zgjidhte vetëm Gueye, ose mbrojtësit nga ndërprerjet eventuale. Në ‘Old Trafford’ është mision i zorshëm për ta që të nxjerrin pikë.

5. Sociedad – Real Madrid (e diel, 15n9)

Illarramendi konsiderohet si dështim në blerjet e Realit. E vërtetë që është mbi-paguar, por për ekipe si Sociedad është i shkëlqyeshëm. Është një nga emrat kryesor në mesfushë përkrah Xabi Prietos i cili pas golit në paraqitjen jubilare të 500të, asistoi dy herë javën e kaluar. Zurutuza rrumbullakon një mesfushë të shkëlqyeshme të baskëve, me Juanmin para, e të ardhurin nga Reali, Diego Llorente në mbrojtje. Tre gola në dy ndeshjet e fundit, të vetmet në të cilat ka startuar e bëjnë atë njërin ndër mbrojtësit më eksploziv në Evropë javën e fundit. Të shohim si do të reagoj ndaj ish-ekipit të tij dhe nëse Januzaj do të startoj edhe këtë javë.

Kartonët e verdhë të Carvajalit mund të jenë problem po aq sa të kuqtë e Ramosit e së fundmi edhe Marcelos. Eksperimenti i Zidane të luaj me Theon e Marcelon në të njëjtin formacion nuk më është dukur shumë i mençur kur ka shumë opsione tjera. Problemi me Benzeman mund të zgjidhet javën e ardhshme me kthimin e Ronaldos. Kanë hasur shumë në probleme për të shënuar së fundmi pa portugezin, por pos dënimeve edhe lëndimet disi iu kanë lëshuar madrilenëve. Ndoshta msyshi!!! Sidoqoftë, kundër Sociedadit s’do ta kenë lehtë.