DUELET E FUNDIT
Tifozat Kuq e Zi në Spanjë, FSHF nxjerrë në shitje biletat për Italinë
15 September, 2017 @15:58
Dy duelet e fundit të Shqipërisë në rrugë për kualifikim në Kampionatin Botëror Rusia 2018 do të jenë duele të vështira.
Më 6 tetor kuqezinjtë do të jenë mysafir të Spanjës në Alicante, ndërsa më 9 tetor presin Italinë në Shkodër.
Derisa Tifozat Kuq e Zi kanë publikuar ftesën dhe mundësinë e aplikimit për bileta për ndeshje ndaj Spanjës, në anën tjetër FSHF ka publikuar mundësinë për blerjen e biletave për ndeshje ndaj Italisë.
Tifozat Kuq e Zi janë duke i bojkotuar ndeshjet e Shqipërisë si vendas për shkak të sjelljes së dhunshme ndaj tyre nga organet e rendit.
Për hollësitë lidhur me çmimin e biletave për ndeshjet në fjalë, duhet të kontaktoni përfaqësuesin më të afërt të TKZ-së (për ndeshje ndaj Spanjës) ndërsa online në FSHF (për ndeshje ndaj Italisë).
