PARA NDESHJES: DORTMUND-MONACO
Dueli i ekipeve që shënojnë shumë
11 April, 2017 @13:29
Përballja ndërmjet Borussia Dortmundit dhe Monacos në Ligën e Kampionëve sonte shihet si një duel i ekipeve që shënojnë shumë.
Ky pritet të jetë edhe epilogu i takimit, ku thuhet se ekipi që i ka më në formë sulmuesit do të shënojë fitore.
Në një anë Pierre Emerick Aubameyang ndërsa në anën tjetër, ujku i vjetër, Radamel Falcao - si liderë të sulmit të ekipeve të tyre pritet të përcaktojnë mjaft në duelin e sontëm, para atij të kthimit.
PIKAT KRYESORE:
-Dortmund dhe Monaco për herë të parë takohen në një garë europiane zyrtare.
-Monaco është në çerekfinalen e dytë në tre vitet e fundit të Ligës së Kampionëve.
-Dortmund vjen në çerekfinale për herë të parë pas stinorit 2013/14.
-Monaco ka suspendime të theksuara për këtë ndeshje.
FORMACIONET E MUNDSHME:
Dortmund: Bürki; Pisczcek, Papastathopoulos, Bartra, Schmelzer; Weigl; Dembélé, Kagawa, Pulišić, Guerreiro; Aubameyang.
Monaco: Subašić; Touré, Glik, Jemerson, Raggi; Silva, Fabinho, Moutinho, Lemar; Falcao, Mbappé.
SI ARRITËN NË ÇEREKFINALE?
Borussia Dortmund eliminoi Benficën në të tetën e finales së Ligës së Kampionëve, ndërsa Monaco befasoi Manchester Cityn e Pep Guardiolës.
