WEST HAM - UNITED
E gjashta radhazi, United rendit fitoret
2 January, 2017 @20:09
Vazhdon ecuria pozitive e Manchester United.
Skuadra e Jose Mourinhos e ka shënuar sot fitoren e gjashtë radhazi në Premier League në takimin e luajtur ndaj West Hamit në Londër.
Gjërat për United u lehtësuan që në fillim, me vendasit që mbeten me 10 lojtarë pas përjashtimit të Feghoulit në minutën e 15’ të takimit. Gjithsesi, West Hami u mbajt mirë dhe United nuk e gjeti golin deri në minutën e 63’, minutë në të cilën Juan Mata shënoi pas asistimit të Marcus Rashford, të dy këta lojtarë të inkuadruar nga banka rezervë.
Ndeshjen e vulosi Zlatan Ibrahimovic, i cili shënoi golin e 18 sezonal për rezultatin 2-0.
Kështu, United mban hapin dhe vazhdon të jetë kërcënues për pozitat që dërgojnë në Champions League.
All Goals & Highlights - West Ham 0-2… by LiG2Fr
