TREPÇA 2-1 VUSHTRRIA
E treta me radhë, ngritet Trepça
11 April, 2021 @18:11
Trepça ka shënuar fitoren e tretë me radhë në Ligë të Parë A duke e mposhtur Vushtrrinë e fundosur në këtë ligë, me rezultat minimal 2-1 [Daut Maxhuni, Samir Sahiti p. - n.n.].
Pas fitores ndaj A&N-së pastaj ndaj Onixit, minatorët kanë arritur të mposhtin edhe vushtrriasit me penalltinë e shënuar nga Samir Sahiti për të marrë pikën e nëntë në tre ndeshjet e fundit dhe tashmë sadopak janë të qetë në renditje.
Në anën tjetër te Vushtrria përkundër dëshirës së lojtarëve, gjendja jo e mirë në klub po reflekton dhe tashmë ish-kampioni i dikurshëm i Kosovës mbetet 5 pikë larg Drenasit të parafundit, pozitë kjo që shpëton skuadrën nga rënia.
