RIVALI I KOSOVËS: ESTONIA
Edhe Estonia fiton turneun para ndeshjeve ndaj Kosovës
24 July, 2017 @14:01
Përfaqësuesja rivale e Kosovës në Grupin C parakualifikues për Kampionatin Botëror Kina 2019, Estonia, ka fituar turneun në Portugali, ku përveç dy vendeve të përmendura pjesë e turneut ka qenë edhe Rumania (prej 14 deri 16 korrik).
Të dalluarit
Estonia ka fituar Torneio de Mealhada duke fituar të dy kundërshtarët në turne. Së pari estonezët kanë mposhtur organizatorin, Portugalinë, 74-60, ku basketbollistë më të dalluar kanë qenë Kristjan Kitsing me 12 pikë dhe Janar Talts me 10 të tjera.
Dy ditë pas kësaj ndeshjeje, Estonia ka mposhtur edhe Rumaninë, 87-55, për të fituar turneun në Portugali, me 2 fitore nga 2 ndeshje. Më të dalluar në përballjen ndaj rumunëve kaën qenë: Kristjan Kitsing dhe Janari Joesaar me nga 12 pikë të shënuara secili, ndërsa Erik Keedus ka shtuar 11 të tjera në fitore.
Në ndërkohë, këtë javë, Estonia do të ndeshet edhe me Suedinë dhe një tjetër miqësore, para ndeshjeve të para kualifikuese nga Grupi C, ku bën pjesë edhe Kosova e Maqedonia.
Takimet e mëparshme
Estonia dhe Kosova janë takuar edhe në vitin e kaluar, por atëherë në ndeshje miqësore para kualifikimeve për Eurobasket 2017. Estonia në të dyja rastet ka mposhtur Kosovën. Më 5 gusht 76-67, më 6 gusht 74-64.