PARA SEZONIT 21/22
Edhe një ekip shtohet në BIBL
17 August, 2021 @8:12
Liga Ballkanike këtë stinor, pas konfirmimit të pjesëmarrjes së Prishtinës dhe Pejës, tashmë ka të konfirmuar edhe një skuadër aty.
Ekipi bullgar, i njohur për skuadrat kosovare, BC Beroe, është anëtar i rikthyer në BIBL 2021/22. Beroe përndryshe është ish-kampion i kësaj lige, pasi që e fitoi atë në vitin 2017.
Në sezonin e kaluar në BIBL, Beroe arriti Final Fourin e garës, por pësoi nga Akademik Plovdiv secilën herë. Trajner i Beroes për këtë stinor është konfirmuar të jetë Boyko Milenkov, që ka qenë ndihmës i deritashëm i trajnerit të kaluar, Lubomir Minchev. Ky i fundit ka marrë drejtimin e Trepçës së Mitrovicës këtë stinor.
Deri tash, për BIBL 2021/22 janë konfirmuar: Hapoel Galil Elyon, Akademik Plovdiv, Ironi Nahariya, TFT Skopje, Navico Akademija FMP, KK Kumanovo, BC Balkan Botevgrad, Prishtina, Peja, Beroe.
