LIGA BALLKANIKE
BOROZANI/Erdis Driza
Edhe stinorin tjetër 2 ekipe nga Kosova
22 January, 2015 @13:20
Krerët e Balkan League janë pritur në zyret e FBK-së dhe kanë premtuar përkrahjen që do t’i japin basketbollit kosovar në vazhdim.
Përveç tjerash, në njoftimin e lëshuar nga FBK-ja pak më parë, është bërë e ditur se BIBL, me drejtorin e kësaj lige, Shay Shtriks si dhe drejtoren për marketing, Lubomira Shtriks, do t’i japin qasje FBK-së në resurse të BIBL për gjyqtarë dhe analizë të referimit.
Në këtë takim, ku nga FBK morrën pjesë Erolld Belegu dhe Leart Hoxha, kryetar dhe sekretar gjegjësisht, është konfirmuar gjithashtu se edhe vitin që vjen nga Kosova do të jenë dy pjesëmarrës në ligën ballkanike.
Ky është stinori i dytë ku skuadrat kosovare marrin pjesë në BIBL, me nga dy ekipe: Sigal Prishtina dhe Peja.
