KOSOVA U21
Emër i ri te dardanët, 21-vjeçari lë Italinë për Kosovën!
11 March, 2021 @21:32
Përfaqësuesja e Kosovës në të ardhmen do të mund të llogaris edhe te sulmuesi i talentuar 21-vjeçar, Rilind Nivokazi.
Sulmuesi i skuadrës italiane Foggia nga Serie C, ka pranuar ta vesh fanellën e përfaqësueses U21 të Kosovës.
Nivokazi më parë ka qenë përfaqësues i Italisë për grupmoshat U16, U17, U18 dhe U19, gjersa ka qenë pjesë edhe i ekipit të njohur italian, Atalanta.
Lajmin e pranimit të ftesës e kanë bërë publike edhe mediet italiane, ku është thënë se lojtari do t’i bashkohet Kosovës U21 për dy ndeshjet miqësore të muajit mars në Doha të Katarit.
