KOMUNIKATË PËR MEDIA
Federata e qartëson situatën ‘Celina’
10 November, 2017 @18:33
Pas spekulimeve nga disa portale që Bersant Celina e ka braktisur Përfaqësuesen U21 të Kosovë, FFK-ja ka reaguar me një komunikatë për media, duke e mohuar këtë gjë.
“Federata e Futbollit e Kosovës hedh poshtë spekulimet në disa portale se Bersant Celina e ka braktisur Kombëtaren U21. Me këtë rast njoftohet opinioni se marrëveshja me klubin anglez Ipswich Town ka qenë që Bersant Celina ta luajë vetëm një ndeshje me Kombëtaren U21 dhe më pas të rikthehet në Angli. Kjo për shkakun se klubi i ka synimet e veta për kreun e renditjes në Championship.” - njofton Federata e Futbollit të Kosovës në komunikatën e saj për media.
