Biletat për miqësoren Kosovë-Letoni

Federata e Futbollit të Kosovës (FFK) ka bërë të ditur sot se ka nisur shitjen e biletave për ndeshjen miqësore që Kosova do ta zhvillojë ndaj Letonisë, më 13 nëntor 2017.

Çmimet e biletave për ndeshjen Kosovë - Letoni janë:

Tribunat A, B, C dhe D - 10€;
Tribunuat J, K, L, M dhe N - 3€;
Tribunat O, P, Q, R dhe S - 5€;
Tribunat U, V, X dhe Y - 3€;
Tribunat E, F, G, H dhe I - 10€.

Ndërsa pikat e shitjes së biletave sipas qyteteve janë: Prishtinë dhe Prizren (Malësia Reisein), Suharekë (Qendra Zejtare), Deçan dhe Pejë (Geci Tours), Gjilan (Rinori Travel), Gjakovë (West Fly), Ferizaj (Kosova Turizëm), Mitrovicë (KMobile), Viti (Tanamera) dhe Klinë (Eurotours).

Miqësorja Kosovë-Letoni është ndeshja e parë miqësore që do ta zhvillojë reprezentacioni i Kosovës pas kualifikimeve për Kampionatin Botëror “Rusia 2018” si dhe e para me Muharrem Sahitin në detyrën e përzgjedhësit, pas dorëheqjes së Albert Bunjakit nga detyra.