FENEBAHCE - REAL MADRID
FOTO/ euroleague
Fenerbahçe rrëmben fitoren nga duart e Realit
28 December, 2018 @20:39
Një fund i lojës fantastik u zhvillua në derbin e javës XV në Euroleague ndërmjet Fenerbahçes dhe Real Madridit.
Skuadra spanjolle në 2 minutat e fundit të ndeshjes hyri me gjashtë pikë epërsi, por minutat e mbetura ishin në favor të Fenerbahçes.
Me një seri prej 8 pikëve dhe me shënimet e Luigi Datomes në fund, nënkampioni arriti ta mposhtë kampionin me rezultat 65-63.
Feneri në këtë ndeshje luajti pa yllin Kostas Sloukas për shkak se ishte i sëmurë, derisa më i dalluari ishte Luigi Datome me 17 pikë të shënuara. Italiani u ndihmua edhe nga Jan Vesely me 13 pikë të tjera.
Te Reali më i veçuari ishte Rudy Fernandez me 12 pikë, por nuk mjaftoi për ta ndalur serinë e fitoreve të Fenerit.
Fenerbahçe e regjistroi fitoren e 14 dhe me një humbje gjendet në krye të tabelës, kurse Real Madridi ka bilanc prej 12 fitoreve e 3 humbjeve.
