Lillard mohon fitoren e Warriorsave

Portland Trail Blazers e mposhti në vazhdime kampionin aktual Golden State Warriorsin me rezultat 109-110 në Oracle Arena.

Ylli i Portlandit Damian Lillard, pesë sekonda para përfundimit të ndeshjes shënoi nga vija e treshit për ta kaluar skuadrën e tij në epërsi, derisa Warriorsat e kishin edhe një mundësi në fund me Kevin Durantin, por ky i fundit dështoi nga gjysmë distanca dhe fitorja i takoi mysafirëve.

Koshashënuesi më i mirë te Portlandi ishte Jusuf Nurkic me 27 pikë, derisa CJ McCollum luajti me 24 pikë dhe Damian Lillard me 21 pikë të tjera.

Te Golden State, Stephen Curry u dallua me 29 pikë, derisa Kevin Duranti luajti me shifrat magjike triple-double prej 26 pikëve, 11 asistimeve dhe 10 kërcimeve.

TABELA AKTUALE

Kjo ishte humbja e dytë rresht e Warriorsave, por krahas humbjes me 23 fitore e 13 humbje gjenden në pozitën e dytë në Konferencën Perëndimore, kurse Portlandi ka bilanc prej 20 fitoreve e 15 humbjeve.