KARAGAÇI
KB Prishtina
Fitore e pritur për Prishtinën
1 February, 2015 @21:53
Sigal Prishtina ka shënuar një tjetër fitore rutinore në Superligë. Ekipi nga kryeqyteti e ka mposhtur Besën në Pejë me rezultat 59-80, duke qenë dominante gjatë gjithë kohës në lojë.
Besa, e cila në këtë ndeshje u paraqit për herë të parë me trajnerin e ri, Valentin Spaqi, nuk e kishte forcën e mjaftueshme për t’i bërë ballë prishtinasve.
Qendra e Prishtinës, Julian Mavunga, ishte më i dalluari te fituesit duke regjistruar double-double, prej 20 pikëve dhe 11 kërcimeve.
Në xhiron e ardhshme Sigal Prishtina udhëton në Prizren për t’u përballur me Bashkimin, derisa Besa do të jetë mysafire e Trepçës.
Rezultatet dhe tabela aktuale.
