VUSHTRRIA - DRITA
Fitore për tu larguar nga fundi
24 February, 2019 @18:09
Në një ndeshje tejet interesante të zhvilluar sot, Vushtrria ka arritur të mposht Dritën për t’i ikur pjesës së fundit të klasifikimit, duke kaluar me bilanc Kerasan Prishtinën, 4-10.
Vushtrria mposhti Dritën 74-65 [28-16, 15-18, 15-10 dhe 16-21] ndërsa i talentuari Mendrit Ademi shënoi 19 pikë, 8 kërcime e 6 asistime në fitoren e ekipit të tij.
Pikë dyshirore shënuan edhe Ramadan Zekiqi e Abelard Rashiti. Zekiqi shënoi 17 pikë e 9 kërcime, ndërsa Rashiti 15 pikë e 3 kërcime në këtë fitore të Vushtrrisë.
Te Drita fjalën kryesore në lojë e tha Milaim Jetishi. Ai luajti pa pushim gjatë gjithë ndeshjes, ndërsa shënoi 31 pikë e 3 asistime në këtë takim, duke shutuar 3/7 për tre pikë.
