VËLLAZNIMI - ISTOGU
Fitore rutinore për Vëllaznimin
21 November, 2019 @22:14
Lideri i pamposhtur në Ligën e Parë, Vëllaznimi, doli fitues nga derbi i xhiros së gjashtë, duke e mposhtur Istogun me rezultat 79-56.
Skuadra gjakovare pa problem e mposhti Istogun me ndihmën e treshes Newson, Balluku, Qeku.
Xavier Newson ishte koshashënuesi më i mirë me 34 pikë e 8 kërcime, Arion Balluku luajti me 23 pikë, 9 asistime, 7 kërcime e 4 topa të rrëmbyer dhe Bujar Qeku me 13 pikë e 9 kërcime.
Te Istogu i vetmi me pikë dyshifrore ishte Diamant Shabani. Ai luajti me 31 pikë e 9 kërcime, por nuk mjaftoi për fitore.
Vëllaznimi me 6 fitore e 0 humbje gjendet në krye të Ligës së Parë, kurse Istogu aktualisht me 3 fitore e 2 humbej gjendet në pozitën e tretë.
Në xhiron shtatë, Vëllaznimi do të përballet me Kerasan Prishtinën, derisa Istogu me Prishtinën e Re.