TRE KOLORËT
Franca eliminon Kroacinë
6 September, 2014 @20:40
Kroacia e përfundoi aventurën e saj në Kampionatin e sivjetëm Botëror që po mbahen në Spanjë.
Në çerekun e fundit Franca hyri me 12 pikë epërsi dhe kjo ishte më se e mjaftueshme për fitoren me rezultat 69-64.
Kroatëve nuk i mjaftoi as paraqitja fantastike e basketbollistit të Brooklyn Nets, Bojan Bogdanovic, i cili luajti me 27 pikë e 6 kërcime.
Tek françezët u dallua loja e Nicolas Batum që realizoi 14 pikë dhe Evan Fournier me një pikë më pak.
Franca në çerekfinale e pret fituesin e duelit Spanja - Senegali.
