TOP 16
Lehtë ndaj Meksikës
6 September, 2014 @18:53
Shtetet e Bashkuara të Amerikës me lehtësi është duke i kaluar pengesat për tek medalja e artë dhe për ta mbrojtur titullin.
Kësaj radhe yjet nga NBA e mposhtën Meksikën, duke qenë bindshëm më të mirë në ndeshjen të cilën e fituan me rezultat 86-63.
Stephen Curry me 20 pikë ishte koshashënuesi më i mirë tek Dream Team, me saktësi 6/9 nga vija e treshit, derisa u ndihmua edhe nga bashkëlojtari i tij nga Golden State Warriors, Klay Thompson me 15 sosh.
Ndërsa në anën tjetër, 25 pikët dhe 8 kërcimet e Gustavo Ayonit, nuk ishin të mjaftueshëm për ta befasuar SHBA-në.
Djelmoshat e trajnerit Mike Krzyzewski, tani në çerekfinale do të përballen me fituesin nga dueli Sllovenia-Republika Domenikane.
