Gasol në Toronto, ‘nxehtë’ në Lindje

Në ditën e fundit të afatit kalimtar në NBA, shkëmbimet mes skuadrave nuk po ndalen.

Një nga shkëmbimet e arritura pak më parë është ai i spanjollit Marc Gasol, i cili në vazhdim të sezonit do të luajë në Toronto. Për Gasolin, Toronto dha basketbollistët Jonas Valanciunas, Delon Wright, CJ Miles si dhe ia dha Grizzliet zgjedhjen e saj të dytë në draftin e vitit 2024.

Me ardhjen e Gasol si dhe praninë e Kawhi Leonard, Raptors shihen një nga favoritët për të qenë më të mirët në Konferencën Lindore, ku përveç Raptorsave, sot aktive kanë qenë edhe skuadrat e Philadelphias dhe Memphisit.

Sixers në radhët e tyre afruan bashketbollistin Jonathan Simmons nga Orlando, të cilin e shkëmbyen me Markelle Fultzin, kurse Bucks u përforcuan me Nikola Miroticin, për të cilin dhanë basketbollistët Jason Smith dhe Stanley Johnson.

Me lëvizjet e sotme dhe të tjerat që mund të ndodhin deri në përmbylljen e afatit kalimtar sonte, duket që në Konferencën Lindore do të zhvillohet një luftë fantastike për titull.