Gjiganti Howard, mposht kampionin

Plani i raketave për rrëzim të kampionit funksionoi. Trajneri i Houston Rocketsit, Kevin McHale, vendosi që tërë përgjegjësinë e ndeshjes ta bart Dwight Howard para takimit me San Antonio Spursin, që kishte mungesa të theksuara - dhe arriti fitoren. 

Howard shënoi 32 pikë dhe regjitroi 16 kërcime në fitoren e gjashtë me radhë të ekipit të tij, duke vazhduar serinë e fitoreve në stinorin e ri të NBA. 

Mungesa e Tim Duncan dhe Manu Ginobili (u pushuan këtë ndeshje nga trajneri) bashkë me Tiago Splitterin e lënduar - bënë që gjiganti i raketave të dominojë tërësisht nën kosh. 

Houston udhëhoqi nga fillimi deri në fund dhe ishte më i mirë se San Antonio Spurs gjatë pjesës më të madhe të ndeshjes, derisa te çereku i fundit përkundër se Mamuzat u munduan - nuk arritën t’i mposhtin Raketat në formë. 

Howardit i ndihoi edhe James Harden, i cili regjistroi 20 pikë, 6 asistime dhe 6 kërimce në fitore. 

Houston vazhdon pamposhtshmërinë në stinorin e ri (6-0), derisa San Antonio tashmë ka bilancin 2-2.