Gjithçka për fitore

Basketbollisti i Pejës, Alban Veseli, shpreson që skuadra e tij do t’i gëzohet fitores pas ndeshjes që do të luhet nesër ndaj ish skuadrës së tij, Sigal Prishtinës.

Sigal Prishtina dhe Peja do të përballen nesër në kuadër të Ligës Ballkanike, në Pallatin e Rinisë dhe të Sporteve në Prishtinë.

Veseli për faqen zyrtare të Federatës së Basketbollit të Kosovës tha se të dyja skuadrat janë shumë të barabarta në aspekt të cilësisë, dhe se ekipi i tij do të bëjë gjithçka për të fituar.

“Do të bëjmë gjithçka për të fituar që të jemi të sigurt në vazhdën e garave të Ligës Ballkanike. Besoj se do të jetë shumë vështirë, pasi që Prishtina është e motivuar pas fitimit të trofeut të Kupës. Ne jemi të kompletuar dhe normalisht shkojmë për fitore. Të dyja ekipet jemi shumë të barabarta. Besoj se do të jetë spektakël në kryeqytet,” tha Veseli.

TABELA AKTUALE

Pas dy ndeshjeve të para të Fazës së Dytë në Ligën Ballkanike, Sigal Prishtina ka dy fitore, ndërsa Peja ka një fitore e një humbje.