INFORMATORI NR 3 I SUPERLIGËS
Gjobë për trajnerin e Pejës dhe lojtarin e Yllit
17 October, 2017 @15:40
Xhiroja e tretë ka përfunduar në Superligë, ndërsa pas regjistrimit të ndeshjeve me rezultatet e arritura në parket, Komesari i Garave (KG) të Federatës së Basketbollit të Kosovës, ka gjobitur trajnerin e Pejës dhe basketbollistin e Yllit.
“Bujar Loci për sjellje josportive u ndëshkua me gabim teknik, që sipas Nenit 50.2 të PG dënohet me 75 euro,” ka bërë të ditur Informatori i tretë me radhë i Superligës për këtë stinor.
Ndërsa për arsye të njejtë është dënuar edhe lojtari i Yllit, Mike Harmon, të cilit si lojtar i takon gjoba prej 50 eurove.
Sa i përket shikuesve, në ndeshjet Rahoveci-Bashkimi, Sigal-Kerasan dhe Borea-Peja kanë qenë nga 200, ndërsa në Trepça-Ylli 100 shikues.