Greenberg kërkon përpikshmëri nga lojtarët

Selektori i ri i Kosovës, Brad Greenberg, pas stërvitjes së parë të mbajtur sot me ekipin senior të Kosovës ka bërë të ditur që do të kërkojë përgjegjësi maksimale nga lojtarët.

“Na pret një punë e madhe. Secili duhet të merr përgjegjësi individuale e më pas edhe grupore për këtë fazë të rëndësishme të përgatitjeve,” ka thënë Greenberg.

“Unë jam i lumtur që jam pjesë e Kosovës dhe të njejtën ndjenjë duhet ta keni edhe ju. Kërkojë përgjegjësi maksimale nga ju në rrugën e mbrojtjes së ngjyrave të shtetit,” ka shtuar amerikani.

Shiko: GRUPET PARAKUALIFIKUESE PËR BOTËROR

“Nuk kemi shumë kohë, prandaj duhet të punojmë që nga dita e parë shumë. Kërkoj nga ju të jeni të saktë në çdo seancë stërvitore, sepse më pas e njejta do të ndodh edhe në parket, pra do të jeni të gatshëm për çdo akcion e veprim që ndërrmerni,” ka përfunduar Greenberg fjalimin e tij para lojtarëve, duke theksuar se është optimist për arritjen e qëllimeve.

Kosova sot ka nisur zyrtarisht në Prishtinë, fazën përgatitore për parakualifikime të zonës europiane për Kampionatin Botëror “Kina 2019”, ndërsa prej datës 5 korrik do të vazhdojë punën në Gjakovë.