Haliti shpall listën e ngushtë të Kosovës U16

Kimete Haliti, përzgjedhësja e Kosovës U 16 (femrat) ka publikuar listën e ngushtë të basketbollisteve, me të cilat do të vazhdojë fazën e radhës të përgatitjeve për Kampionatin Evropian U16 Div. B.

Kampionati në fjalë mbahet në Podgoricë të Malit të Zi, ndërsa zhvillohet prej 16 deri më 25 gusht të vitit 2018.

Kosova U16 F bën pjesë në Grupin C me skuadra si Izraeli, Irlanda, Rumania, Zvicra dhe Luksemburgu.

Stërvitjet e radhës vazhdojnë të premten më 22 qershor 2018 ndërsa nisin në orën 15:00. Lista e basketbollisteve përbëhet nga: Astera Tuhina, Agnesa Rrahmani, Enisa Kamerolli, Arba Hashani, Dea Pushkolli, Fjolla Ajeti, Diellza Dekaj, Sara Vraniqi, Anita Grainca, Artina Hoxha, Vanesa Bojku, Ervale Shabani, Dije Daku, Erjona Krasniqi dhe Olta Zymberi.