GAME 5: NETS - CELTICS
Harden me triple-double, Brooklyn në gjysmëfinale
2 June, 2021 @10:16
Brooklyn Nets, duke e mposhtur Bostonin edhe në ndeshjen e pestë të serisë (123-109), kualifikohet në gjysmëfinale të Play Offit në Konfrencën Lindore.
Si në ndeshjet e kaluara, edhe në këtë ndeshje në skenë ishte treshja e yjeve Harden, Irving dhe Durant.
James Harden shkëlqeu me triple-double prej 34 pikëve, 10 asistimeve e 10 kërcimeve, derisa Kyrie Irving luajti me 25 pikë e Kevin Durant me 24 pikë të tjera.
Te Bostoni Jayson Tatum luajti me 32 pikë, 8 kërcime e 5 asistime.
Brooklyn Nets e eliminoi Boston Celtics me rezultat 4-1 në seri. Në gjysmëfinale do të takohet me Milwaukee Bucks.
