SOT
Homazhe për Dervish Agajn
30 August, 2019 @11:19
Drejtuesit e klubit të basketbollit Bashkimi bashkë me lojtarë, ish-lojtarë, familjarë, dhe punëtorë tjerë të basketbollit nga qyteti - kanë bërë homazhe para varrit të trajnerit të dikurshëm të ekipit, Dervish Agaj.
Fjalimin e rastit e mbajti ish-anëtari i Bashkimit, Ylli Hoti, i cili u shpreh se: “nëse flitet për kontributin e profesorit vetëm për lojën e basketbollit, do të ishte e pamjaftueshme, pasi që realisht ajo që na bën neve ta nderojmë atë është shumë më shumë sesa basketbolli. Ai ka qenë mësues, udhërrëfyes, ka punuar edhe në krijimin e personalitetit të nxënësve të tij, si dhe në kulturën e të menduarit…” - ka thënë ndër të tjera ai.
Për nder të Agajt tashmë për herë të dytë radhazi mbahet turneu përkujtimor që nis sot në Prizren, nën organizimin e KB NewBasket, ku luajnë ekipet e grumposhave të reja dhe të veteranëve, që do të zgjasë deri nesër.
PROGRAMI I TURNEUT “DERVISH AGAJ”:
E premte, 30 gusht:
10:00 Hapja e turneut
10:30 NewBasket U12 - Rinia Kumanovë U12
11:45 Golden Basket Prishtinë U12 - Borea Pejë U12
13:00 Ndeshja për vendin e tretë
14:30 Ndeshja finale U12
E shtunë, 31 gusht:
14:00 Bashkimi U14 - Sfera Skenderaj U14
15:00 Borea Pejë U14 - Rinia Kumanovë U14
16:00 Veteranët: Bashkimi - Vëllaznimi
17:30 Ndeshja për vendin e tretë
19:00 Ndeshja finale U14
20:15 Ceremonia e medaljeve dhe mbyllja e turneut.