WARRIROS - ROCKETS
FOTO/ nba
Houston edhe pa Hardenin mposhtë Warriorsat
24 February, 2019 @10:53
Skuadra e Houston Rocketsit edhe pa yllin James Harden, arriti ta mposhtë kampionin aktual Golden State Warriorsin, me rezultat 112-118.
Houston gjatë ndeshjes e ngriti epërsinë deri më 20 pikë, por Warriorsat edhe pse e zbutën diferencën, nuk arritën ta përmbysin rezultatin dhe ta fitojnë ndeshjen.
Në mungesë të James Hardenit, koshashënuesi më i miri te Houstonit ishte Eric Gordon me 25 pikë, derisa Chris Paul shkëlqeu me 23 pikë e 17 asistime.
Te Warriorsat më i miri ishte Kevin Durant me 29 pikë.
Houston aktualisht ka bilanc prej 34 fitoreve e 25 humbjeve dhe gjendet në pozitën e pestë në Konferencën e Perëndimit, derisa Golden State me 42 fitore e 17 humbje është në krye të tabelës.
