Humbja e parë e stinorit

Pas 17 xhirove të zhvilluara, Inter ka pësuar për herë të parë këtë stinor në Serie A dhe atë në Giuseppe Meazza, duke u mposhtur nga Udinese 1-3.

Humbja rrezikon kreun për neroazzurrët, pasi që me fitore potenciale edhe Napoli edhe Juventus mund të dalin mbi Interin.

Derisa Kevin Lasagna i dha epërsinë Udineses, Mauro Icardi barazoi menjëherë 1-1 për të shkuar në pushim skuadrat me këtë rezultat.

TABELA AKTUALE E SERIE A

Mirëpo, në pjesë të dytë mysafirët u treguan më të rrezikshëm, duke shënuar së pari me Rodrigo de Paul nga penalltia për 1-2 dhe më pas Antonin Barak përfundoi dilemat e fituesit kur shënoi për 1-3.

Valon Behrami luajti në 15 minutat e fundit për Udinesen, kur u fut nga trajneri Massimo Oddo për të përforcuar mesfushën dhe për të ndalur sulmuet e fundit nerroazzure për sot.