BUNDESLIGA
Raffael fundos Hamburgun
15 December, 2017 @22:32
Borussia e Monchengladbachut i është kthyer fitores në Bundesligë duke mos lejuar një rikthim eventual të mysafirëve nga Hamburgu, të cilët barazuan në 1-1 me golin e Andre Hahn.
Thorgan Hazard kishte hapur serinë e golave për vendasit në minutën e 9 pas një asistimi nga Raffael. Ky i fundit shënoi dy gola brenda pesë minutave (74’&79’) për fitoren e parë që nga mposhtja e Bayernit të Munihut në Borussia-Park.
Tek mysafirët Mërgim Mavraj qëndroi në fushë për 90 minuta.
Me këtë fitore Borussia e Monchengladbachut përfundon stinorin vjeshtor me 28 pikë dhe momentalisht në pozitën e katërt, ndërkohë Hamburger SV mbetet në pozitën e 16 me 15 pikë.
