Fantasy TopSporti
Të gjitha lajmet
Tabelat dhe Rezultatet

KOSOVA - GJEORGJIA

Humbje nga Gjeorgjia, Kosova e fundit në grup

Foto: FFK

Humbje nga Gjeorgjia, Kosova e fundit në grup


12 October, 2021 @22:39

Me fitore të Gjeorgjisë është mbyllur ndeshja e sontme mes Kosovës dhe Gjeorgjisë në “Fadil Vokrri” të Prishtinës.

Ndeshja që ishte e vlefshme për grupin B kualifikues drejt Botërorit të Katarit në fund u mbyll 1-2 (V.Muriqi (P) 45’ / T.Okriashvili 11’, Z.Davitashvili 82’) për Gjeorgjinë.

Pjesa e parë e ndeshjes kaloi me Kosovën më dominuese, por që të dyja rrjetat e skuadrave u tundën nga një herë.

Të parët në epërsi kaluan gjeorgjianët, që golin e gjetën falë një gabimi të Aro Muricit në minutën e 11’. Pas gabimit të portierit të Kosovës, topin në rrjetë për mysafirët e çoi Okriashvili.

E barazimi i Kosovës erdhi në fundin e pjesës së parë, kur Vedat Muriqi shënoi nga pika e bardhë (45’) pas faullit në zonë që iu shkaktua Milot Rashicës.

GRUPET KUALIFIKUESE DHE ORARI I NDESHJEVE

Në pjesën e dytë, përkundër që Kosova ishte më shumë në kontroll të lojës dhe pati rastet e veta, golin e gjeti vetëm Gjeorgjia, gol me të cilin e arriti fitoren. Në minutën e 82’, në zonën e Kosovës u harrua i vetëm Davitashvili, i cili me kokë shënoi për 1-2, rezultatin përfundimtar të ndeshjes.

Kjo humbje e zbret Kosovën në vendin e fundit të grupit, me 4 pikë pas 7 ndeshjeve të luajtura.

Ndeshjen e fundit të këtij grupi kualifikues Kosova e zhvillon muajin e ardhshëm, më 14 nëntor si mysafire e Greqisë.


 
Të gjitha lajmet nga Kualifikimet për Botëror